रेशन

अकोले प्रतिनिधी = अकोले पोलिसांनी धडाकेबाज कारवाई करत तालुक्यातुन संगमनेर ला काळ्या बाजारात जाणारा रेशनिंगचा तांदूळ भरलेला ट्रक पकडला असुन यावेळी ट्रकमध्ये साडे १२ टन तांदूळ गोण्यात भरलेला होता.

        आज रविवार असतानाही काळ्या बाजारातील रेशनिंग चा साडे बारा टन भरलेला तांदूळ घेऊन ट्रक जात असल्याची गुप्त माहिती तालुका पोलिस निरीक्षक अरविंद जोधळे यांना कळाल्याने त्यांनी पाठवलेल्या पथकाने सायंकाळी ६:३० वा दरम्यान  राजुर येथून संगमनेर ला जाणारा साडे बारा टन रेशनिंगचा तांदूळ भरलेला एम.एच.१७ ए.जी.२४८३ हा ट्रक मनोहरपर फाटा येथे पकडुन अकोले पोलिस स्टेशन ला आणला.यावेळी चालक शहेबाज मणियार याने सदर तांदूळ हा राजुर येथून आणला असल्याचे सांगितले असल्याचे समजते. सदर घटनेची माहिती समजताच उपविभागीय पोलिस अधिकारी रोशन पंडीत यांनी अकोले पोलिस स्टेशन भेट देवून चाैकशी करुन गुन्हा दाखल करण्याचे सुचना दिल्यानंतर राञी उशीरापर्यंत पंचनामा करुन गुन्हा दाखल करण्याचे काम सुरु होते.